رئيس التحرير: عبد الحكم عبد ربه
«عابدين»: الهيئة الهندسية تجهز لطرح مشروع سكني بالعاصمة الإدارية «العاصمة الإدارية» تستعد لطرح 1000 فدان على المستثمرين بـ3800 جنيه للمتر «الألفي»: ندرس زيادة رأس المال المدوع لـ«سيتي ايدج» بعد زيادة حصة المجتمعات العمرانية المقاولون العرب: نستهدف أرباح 540 مليون جنيه للعام الجاري «الاستثمار العربى» يفتتح فرعين جديدين بعمارات العبور والتجمع الخامس «القاهرة» يوقع بروتوكول تعاون مع «المنيا» لترويج وتسويق الأصول التابعة للمحافظة «التعمير والإسكان» يدعم كلية «اقتصاد القاهرة» بمليونى جنيه «إى جى بنك» يطلق حضانة أعمال MINT بتخريج أول دفعة من رواد الأعمال غدًا بدء تسليم قطع أراضِ المقابر بمدينة قنا الجديدة شركة مياه سوهاج تستعد لتشغيل 5 محطات تأجيل مزاد بيع 20 قطعة أرض اصلاح زراعي في 4 محافظات ليوم 7 يوليو لماذا تتراجع الإسكان عن نقل تبعية محطات وشبكات وخطوط مياه الشرب والصرف الصحي بالمدن الجديدة لهيئة المجتمعات ؟

سؤال و رسالة

أحد حاجزي وحدات الإسكان الاجتماعي يلخص معناتهم في «رسالة»

لخص احد اعضاء جروب شقق الاسكان الاجتماعي 6 أكتوبر، المشاكل التي يعاني منها اكتر من 500 الف اسرة حاجزين فى مشروع الاسكان الاجتماعى، قائلاً: هسرد لحضراتكم كل مشاكل الاعلان السابع دهشور اللى لو اتحلت هيتحل معاها مشاكل الاعلان التامن والتاسع.
 

اولا: قدمنا فى اغسطس 2015 اعلان سابع دهشور طبقا لكراسة الشروط، والتي تنص على أن سعر الوحده المعلن في ذلك الوقت 135 الف جنيه، يتم دفع مقدم 15% من ثمن الوحده والباقى اقساط، ولكن الوزارة رفعت السعر لـ 154 الف جنيه بحجة زيادة اسعارمواد البناء، قلنا ماشى ولكن الصندوق باع الوحدات للبنوك 154 الف وده مخالف لكراسة الشروط وتركوا البنوك تتحكم فينا وبقى سعر الوحده يوصل مع بعض الناس لـ300 الف جنيه والمقدمات وصلت لـ70 الف جنيه، واقساط مرتفعه بتوصل لـ1000 جنيه، ونسيوا ان هذا المشروع إسكان اجتماعى لمحدودى الدخل.


ثانيا: مراحل الاستعلام الميدانى.. افراد الاستعلام  بينزلوا  للمتقدم وعارفين انه فى ايده القرار الموافقه على التقرير او الرفض بمعنى انه لو "مشربش شاى بالياسمين" يعنى رشوة متقلش عن 200 جنيه هيرفض المتقدم فى التقرير، ويدخله فى دوامة اعادة الاستعلام، وهذا ما ما تم مع ناس كتير وانا منهم مع ان عندى تسجيل صوتى لفرد الاستعلام ان ورقى سليم 100 % بس هو رفضنى عشان كان لمح ليا برشوة كبيره وانا رفضت.
 

ثالثا: اللى بيعدى من الاستعلام ويتحول على البنك معظم المتقدمين اترفضوا من البنوك بحجة ان سنهم عدى الـ50 سنه، او لأنه بيعمل عمل حر مهنى مع ان المسؤلين فى كل احاديثهم الموثقه فى البرامج التليفزيونيه، قالوا: طالما وقت التقديم منطبقه عليه الشروط هيستلم وحدته، وللاسف لو واحد تخطى السن وبيعمل اعمال حرة واترفض من البنك لتخطى السن واتحول على بنك تانى والبنك التانى رفضه عشان بيعمل اعمال حرة كده بيضع حقه فى الحصول على شقه. متسائلاً: وهوه ذنبه ايه ؟ وهو مقدم من سنتين ونص وكان سنه 48 سنه ومنطبق عليه الشروط وزى ما الوزارة بتسحب الوحده من اى واحد قدم اوراق مخالفه وبتحوله للنيابه العامه احنا كمان عايزين حقوقنا من الوزارة والصندوق فى خفض المقدم لـ15% من قيمة الوحده يعنى ميزيدش المقدم عن 25 الف جنيه زى ما كراسة الشروط بتقول والعقد شريعة المتعاقدين والا يزيد تمن الوحده عن الـ154 الف جنيه، احنا كنا مقدمين وكان سعر الوحده 135 الف زودوها لـ154 الف بحجة زيادة اسعار البناء، لكن المسئولين باعونا للبنوك ليصل ثمن الوحدة لـ300 الف جنيه، وهذا بمخالفة القانون وشروط التعاقد.

وطالب بتنظيم وقفه احتجاجيه لجميع المتضررين من الاستعلام والبنوك  ووزارة الاسكان، قائلاً:"عشان نعرف ناخد حقوقنا كاملة".