بعد حذف أغنية مسلم| سلطان الشن: رفعت عليه 8 قضايا.. ومش هيعرف يغني غير بتوقيع كتابي مني
تفاجئ الجمهور بحذف المنتج سلطان الشن، أغنية عفاريت للمطرب الشعبي عبد الباسط حمودة والمطرب مسلم، من موقع الفيديوهات يوتيوب، بعد طرحها عبر الموقع مباشرة قبل ساعات قليلة.
سلطان الشن يعلق على حذف أغنية مسلم
وتواصل اسكان نيوز مع المنتج سلطان الشن، لمعرفة سبب حذف الأغنية بالرغم من انتهاء التعاقد بينه وبين مسلم، والذي أكد أن عقد الأخير لم ينتهي ومازال ساريًا، مشددًا على أن مطرب المهرجانات مسلم لا يستطيع طرح أي عمل غنائي إلا بموافقة كتابية مني.
وقال سلطان الشن: فيه تعاقد بيني وبين مسلم يلزمه إنه مينفعش يغني أي أغنية لأي جهة غير لما ياخد تصريح كتابي مني، والحقيقة أن أنا نزلت بيان بالكلام ده، وحذرته أنه لا يغني لأي جهة أو أي شخص من غير ما ياخد تصريح مكتوب مني، ده حقي القانوني وإذا كنت بتساهل مع مسلم قبل كده، أنا قررت أني أخد حقي وفقا للعقد الساري اللي بيني وبينه.
وأضاف سلطان الشن: لسه إن شاء الله فيه إجراءات قانونية خدتها بالفعل، وكمان فيه إجراءات قانونية تانية هاخدها ضد مسلم وضد أي شركة هتتعامل معاه، وبخصوص الكلام الفاضي اللي بيقوله مسلم بخصوص موضوع فسخ العقد ده كلام فارغ ملوش أي أساس من الصحة.
وتابع سلطان الشن:عقد مسلم ساري تماما بدليل إننا بنقدر نحذف أي حاجة لمسلم بموجب العقد الساري وجرى اتخاذ الإجراءات القانونية ضده وإلزامه بالعقد الساري بيني وبينه، والأغنية لن ترجع، إلا بموافقة كتابيه مني يتم نشرها على صفحتي الشخصية وأتيح لهم النشر، حتى الآن مفيش أي شيء جديد وأي عمل هينزل لمسلم دون موافقة كتابية مني هيتم حذفه على الفور، ورفعت 8 قضايا على مسلم حتى الآن.
