زوجة عصام صاصا ترد لأول مرة على شائعات طلبها «خلوة شرعية» من المحكمة
تصدر اسم جهاد ماهر، زوجة مؤدي المهرجانات عصام صاصا، مواقع التواصل الاجتماعي، بعد تداول شائعات بشأن طلبها خلوة شرعية من المحكمة مع زوجها، مما دفعها إلى الرد وتوضيح الأمر، بعد الصمت التي التزمته منذ انتشار هذه الشائعات.
زوجة عصام صاصا عن طلب الخلوة الشرعية
ونشرت جهاد ماهر مقطع فيديو عبر حسابها الرسمي على «إنستجرام» ترد من خلاله على من خاضوا في حياتها الشخصية؛ قائلة: «مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟».
وأضافت: «دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟».
واختتمت جهاد: «أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته».
