الخميس 23 مايو 2024 10:11 صـ 15 ذو القعدة 1445 هـ
اسكان نيوز

حازم إمام عن محمد عبد المنعم: لاعب بارد وملوش بديل

محمد عبد المنعم
محمد عبد المنعم

حرص حازم إمام نجم الزمالك السابق وعضو مجلس إدارة اتحاد الكرة الحالي، على الدفاع عن محمد عبد المنعم ، مدافع الأهلي ، في ظل الانتقادات التي توجه للاعب في الفترة الأخيرة، بسبب الأداء الذي يقدمه مع المارد الأحمر.

وقال حازم إمام في تصريحات إذاعية: 'دايما بشوف الناس تنتقد عبد المنعم وتقول عليه تِنك ولازم يقعد شوية.. أنا قعدت معاه كتير في فترة منتخب مصر هو شخصيته كده مش بيتنك على الكورة هو بارد'.

وأضاف حازم إمام: 'ولو عبد المنعم مش هيلعب هيكون فيه مشاكل كتيرة في الناحية الدفاعية في منتخب مصر والنادي الأهلي، لأنه الوحيد اللي عنده سرعات ويقدر يجيب المهاجم بشكل أو بآخر'.

حازم إمام: عبد المنعم له أخطاء ولكنه لا يتوتر

وواصل حازم إمام : 'عبد المنعم بيغلط؟.. أه ساعات بيغلط لكن في 90% هتلاقيه دايمًا حاضر.. ليه أخطاء مفيش حد معندوش أخطاء.. هي دي شخصيته ما تاخدش على إنه تِنك أو بيتنك أو عايش في الدور.. هي شخصيته إن هو بارد ومش بيتوتر ودي حاجة كويسة'.

واختتم : 'أنا بشوف إن محمد عبد المنعم واحد من أهم اللاعبين في مركز الثيردباك في مصر وملوش بديل معندكش ناس زيه كتير'.